Policia jep detaje për rastin e 26 kosovarëve

12:49 | 13 Tetor 2019
L G

Policia e Kosovës ka dhënë detaje rreth hetimit të rastit të keqësimit të gjendjes së 26 zyrtarëve, të cilët dyshohet të jenë helmuar deri sa po merreshin me procesin e verifikimit të zarfeve me vota, të ardhura nga Serbia.

Zëdhënësi i Policisë së Kosovës, Daut Hoxha i ka thënë arbresh.info se policia është duke e trajtuar këtë rast.

“Policia posedon informacionin dhe në aspektin policor jemi duke e trajtuar, ndërsa lidhur me detaje tjera ne ketë fazë adresojuni KQZ-së dhe autoriteteve shëndetësore”, ka thënë Hoxha.

Ndryshe, verifikimi i zarfeve me vota të ardhur nga Serbia, u ka sjellë problem zyrtarëve në Qendrën e Numërimit të Votave.

Numërimi është ndërpre rreth orës 11:00, pasi që në kutitë me vota ka kundërmuar erë, dhe kjo u shkaktuar alergji 26 zyrtarëve kosovarë që kanë qenë të ngarkuar me numërimin e zarfeve./Arbresh.info

 

Shpërndaje në rrjete sociale

Lajmet më të lexuara

Të ngjashme

Foto lajm